दर्शक मन ल अड़बड़ मिठाही जिमिकांदा फ़िल्म, 7 अप्रैल ले सिनेमाघर म शुरू
छालीवुड/कोरबा/ आकाशवाणी
छत्तीसगढ़ की पारंपरिक विधाओं से जुड़ी, हास्य व पारिवारिक मनोरंजन से भरपूर फिलिम जिमिकांदा फिलिम बन के तैयार हे अउ 7 अप्रैल से छत्तीसगढ़ सहित देश के कई सिनेमाघरों म रिलीज़ होही.
ये बात ल बताय बर फ़िल्म के डायरेक्टर गजेंद्र श्रीवास्तव ह कोरबा प्रेस क्लब के तिलक भवन म पत्रकार वार्ता करिस. पत्रकार मन ल संबोधित करत बताइन कि जिमिकांदा फिलिम ह देश के सबसे पहली इसन फिलिम आय जोन हर तीन महीना ले भी कम समय म बनके तैयार होइस हे. ए फिलिम म नवा कलाकार मन ल मौका दिए गए हे. हमर छत्तीसगढ़ के कोण्टा कोण्टा म बढ़िया बढ़िया कलाकार हावे ओ मन ल हमन फिलिम म मौका देवत हन. जम्मो छत्तीसगढ़ भर म बढ़िया बढ़िया सिन हावे इन्हा फिलिम के शूटिंग करे बर बड़े बड़े कलाकार आवत हे. शहर म फिलिम के परचार बर रैली निकाले जाही. जिमिकांदा फिलिम हर दर्शक के मन ल गुदगुदाय, हंसाय बर 7 अप्रैल ले सिनेमाघर म रिलीज़ होही. फिलिम म मुख्य किरदार निभाने वाला म हीरो अनुपम भार्गव, हीरवइन जागृति सिन्हा सहित बहुत झन कलाकार सामिल हावे. छत्तीसगढ़ म जिमिकांदा के साग हर अड़बड़ मिठाथे उसनहे ये फिलिम हर जम्मो झन ल मजा दिही.
छतीसगढ़ी म बनही रामायण फिलिम
छत्तीसगढ़ी फिलिम के डायरेक्टर गजेंद्र श्रीवास्तव हर प्रेसवार्ता म बताइस के कि छत्तीसगढ़ म भगवान श्री राम हर बनवास बछर म भ्रमण करें हावे जेखर प्रमाण आज भी जगह जगह प्रख्यात हे ओखर से जुड़े हुए जगह म रामायण फिल्माय जाही जेखर बर पत्रकार मन के रिपोर्टिंग अउ ओमन के मार्गदर्शन देहे बर जोहर करिन हे.
